Regnskóg

Lungu Heimsins

Regn úr T.M.C og Audio Improvement, og Byrkir úr Forgotten Lores eru Regnskóg. Eftir að hafa búið í kakkalakkasýktum kjallara á Vatnsstígnum og eytt dýrmætum tíma saman í Anda-heiminum ákváðu þeir að leiða saman lesti sína og gera plötu; Lungu Heimsins.

Hér er á ferðinni gripur fyrir alla sem kunna að meta góðan skít, hvort sem þeim svelgist á bong-vatni eða þurfa að rækta garðinn sinn. Taktsmíðar eru í höndum meistaranna Introbeats, Beatmakin Troopa og Fonetik Simbol. Um hljóðblöndun og masteringu sá meistari Vibe O'Razor. Opniði vínið og dempið birtuna í betri stofunni því Regnskóg eru nýjasta niðursoðna hnossgætið á Coxbutter.com.